Dinutvei.no Logo Nasjonal veiviser
ved vold og overgrep

Gos galggat álgit jus vásihat veahkaválddi ja seksuálalaš illasteami

spørsmålstegn tegnet på vind

Sáhttá leat hirpmus ohcat veahki go lea gillán veahkaválddi ja seksuálalaš illasteami. Dá leat muhtun evttohusat gos sáhtát ohcagoahtit veahki.

Jus du guoibmi, bearašlahttu dahje earát leat leamaš veahkaválddálaččat du dahje du mánáid vuostá, de sáhtát don oažžut veahki.

Duođalaš ja heaggaáiti dilálašvuođain

Riŋge 112 politiijaide dahje 113 ambulánsii. Politiijat sáhttet maiddái rávvet ja bagadit.

Maid sáhttet politiijat dahkat veahkaválddi ja illasteami oktavuođas?

Riŋge VI(VO)-linnjái dahje čálaš VI(VO)-veahkkelinnjáin – Veahkaválddi ja illasteami veahkkelinnjá

VI(VO)-linnjá– 116 006 – lea veahkkelinnjá buohkaide geat leat vásihan veahkaválddi lagas oktavuođain dahje seksuálalaš illasteami. Don sáhtát maiddái čálašit bálvalusain neahtas, mii fállojuvvo miehtá riika, nuvttá ja birra jándora.

Loga eanet VI (VO)-linnjá birra

Váldde oktavuođa heahteguovddážiin

Jus don lea veahkaválddálaš bárradilis, de sáhttá heahteguovddáš addit dutnje oadjebas saji orrut, rávvet, bagadit, doarjjaadvokáhta ja čujuhit eará bálvalusaide go lea dárbu. Mánát sáhttet maiddái ohcat veahki heahteguovddážis.

Don sáhtát lihka ohcat veahki heahteguovddážis vaikko it oroge doppe dahje it leat heahtedilis.

Loga eambbo heahteguovddážiid birra

Jus mánát gillájit veahkaválddi dahje ellet ruovttus gos lea veahkaváldi

Oktavuođaváldin:

Veahkki jus gillát veahkaválddi ja illasteami

Jus leat fysalaččat vahágahtton dahje ožžon váikkuhusaid maŋŋil oza dearvvašvuođaveahki.

Oza veahki:

Sii sáhttet addit dearvvašvuođaveahki, rávvet, bagadit, ja čujuhit eará sadjái jus lea dárbu. Doaktárat ja veahkaváldeguovddážat sáhttet maiddái sihkkarastit riektemedisiinnalaš duođaštusaid.

Bearašsuodjalankantuvrrat sáhttet veahkehit veahkaválddi oktavuođas bearrašis ja bárradilis

Bearasuodjalankantuvrrat addet veahki ja bagadallama báraide ja bearrašiidda mat vásihit váttisvuođaid, vuostálasvuođaid ja heđiid. Sii barget earret eará suhtto- ja veahkaváldeváttisvuođaiguin.

Loga eambbo bearašsuodjalanguovddážiid birra

Eanet veahkkebálvalusat go vásihat veahkaválddi ja seksuálalaš illasteami

Sorjavaš gii don leat, maid don leat vásihan, ja dilis mas don leat, soaitá leat rievttat dutnje ohcat veahki eará sajiin go báikkiin mat leat listtus bajábealde.

Dás gávnnat bajilgova eanet veahkkebálvalusain