Jus galggat oažžut veahki hálddašit iežat suhtu ja veahkaválddi, dahje leatgo don seksuálalaččat illastan dahje balatgo ahte soaittát dahkat dan, de soaittát dárbbašit veahki fágaolbmuin.. Buot gielddain leat psyhkalaš dearvvašvuođabálvalusat. Gielddaid bálvalusat leat iešguđetláganat gielddas gildii. Don sáhtát fitnat muhtun dearvvašvuođabálvalusain dahje váldit oktavuođa muhtun bálvalusaiguin ieš, ja earáide gáibiduvvo fas ahte dus lea čujuhus.
Bálvalusat mat eai gáibit čujuhusa
Earenoamáš fálaldagat suhttu ja veahkaválddi várás
Earenoamáš fálaldagat sidjiide geat dárbbašit veahki hálddašit iežaset suhtto dahje veahkaválddi:
Earenoamáš fálaldagat veagalváldima várás
Earenoamáš bálvalusat sidjiide geat leat veagalváldán, dahje ballet ahte sii soitet veagalváldit:
Bálvalusat maidda gáibiduvvo čujuhus
Du fástadoavttir dahje bátnedoavttir sáhttiba árvvoštallat ovttas duinna dárbbašat go earenoamáš veahki. Sii sáhttet čujuhit du psykologa dahje psykiáhtera lusa go lea dárbu. Siđa su gii čujuha dáhttut terapevta geas lea veahkaválddálašvuođa- ja traumamáhttu.
Guovllupsykiáhtralaš guovddážat ja psykiáhterat/psykologat geain lea doaibmašiehtadus
Guovlluspsykiáhtralaš guovddážat gávdnojit miehtá riikka ja leat oassi spesialistadearvvašvuođabálvalusas. Priváhta psykologat ja psykiáhterat geain lea doaibmadoarjja (šiehtadusspesialisttat) leat maiddái oassi spesialistadearvvašvuođabálvalusas. Dus ferte leat čujuhus jus galggat oažžut divššu guovllupsykiáhtralaš guovddážis dahje šiehtadusspesialisttas. Jus don dárbbašat fáhkka psyhkalaš dearvvašvuođaveahki, de sáhtát maiddái váldit oktavuođa njuolga guovlluspsykiáhtralaš guovddážiin. Dikšofálaldat mii fállojuvvo lea dássenkursa ja ságastallamat.
Siđa su gii čujuha dáhttut terapevta geas lea veahkaválddálašvuođa- ja traumamáhttu.
SANÁG lea sierra bálvalus mii fállá psyhkalaš dearvvašvuođaveahki Sámi álbmogii.
Bargiin lea jávohisvuođageasku ja eaige beasa danne juogadit makkárge dieđuid du birra earret go jus don mieđat dasa dahje jus heagga dahje dearvvašvuohta áitojuvvo. Sáhtát oažžut dulkka jus lea dárbu. Go finat guovllupsykiáhtralaš guovddážis dahje šiehtadusspesialistta luhtte de mávssát don dábálaš iežasoasifriddjakoartta meari rádjái. Guđe guovlluspsykiáhtralaš guovddážii don gulat lea čadnon dasa gos don orut ja guđe buohccivissui don gulat. Du fástadoavttir sáhttá veahkehit.
Páhkkamannolat ja vuordináiggit
Go don čujuhuvvot guovllupsykiáhtralaš guovddážii álggahuvvo nu gohčoduvvon páhkkamannolat. Páhkkamannolat galgá sihkkarastit ahte don oaččut ollislaš ja vuorddehahtti divššu mas ii leat dárbbašmeahttun vuordináigi. Vuolggasadji lea ahte don don dovddat buoremusat iežat eallima. Dát mearkkaša ahte don galggat beassat váikkuhit eanet iežat dikšui.
Loga eambbo páhkkamannolaga birra helsenorge.no:s
Guovllupsykiáhtralaš guovddážiin leat iešguđetlágan vuordináiggit oažžut divššu iešguđetge báikkiin riikkas. Jus du guovllupsykiáhtralaš guovddážis ii leat doarvái buorre fálaldat dutnje, de lea vejolašvuohta dus oažžut divššu eará guovllupsykiáhtralaš guovddážis. Don sáhtát váldit oktavuođa diehtojuohkinbálvalusain “Vállje dikšunbáikki” jus leat jearaldagat fálaldaga dahje vuordináiggiid birra, riŋget telefovdnanummara: 800 43 573 (800 HELSE).
Iskka du lagas guovddáža gaskamearálaš vuordináiggi (Dušše dárogillii)
Bajilgovva gos don sáhtát oažžut veahki
Iskka du báikkálaš guovddáža gaskamearálaš vuordináiggiid (dušše dárogillii
Juohke dearvvašvuođadoaimmahagas lea listu mas leat psykologat ja psykiáhterat geain lea doaibmadoarjja (šiehtadusspesialisttat):
- Mátta-Nuorta Norgga dearvvašvuođa šiehtadusspesialisttat
- Oarje-Norgga dearvvašvuođa šiehtadusspesialisttat
- Gaska-Norgga dearvvašvuođa šiehtadusspesialisttat
- Davvi Dearvvašvuođa šiehtadusspesialisttat
Gávnna psykologa Norgga psykologasearvvi neahttasiiddus.
Teavstta lea din.utvei redakšuvdna čállán.
Gáldut:
Norgga dearvvašvuohta (Helsenorge.no)
oPsyhkalaš dearvvašvuođabarggu nationála gelbbolašvuođaguovddáš (PDBDG) (NAPHA)
Dearvvašvuođagirjerájus
Dearvvašvuođadirektoráhtta
Gielddaid neahttasiiddut