Buot veahkki veahkaválddi gillájeddjiid vuostáiváldinbáikkis lea áibbas eaktodáhtolaš, ja don válljet ieš guđiid osiid fálaldagas don háliidat geavahit. Don sáhtát oaččut veahki vaikko veahkaváldi leage dáhpáhuvvan áigá, ja don sáhtát váldit muhtuma mielde go boađát vuostáiváldinbáikái.
Veahkaválddi gillájeddjiid vuostáiváldinbáiki fállá:
- ságastallama oadjebas birrasis
- medisiinnalaš iskkadeami fuomášit, dikšut ja eastadit vahágiid ja njoammuma
- áhpehisvuođaiskosa
- riektemedisiinnalaš iskkadeami sihkkarastit duođaštusaid
- veahki váldit oktavuođa politiijaiguin
- veahki vaikko veahkaváldi leage dáhpáhuvvan áigá
- veahki váldit oktavuođa doarjjaadvokáhtain (nuvttá), beroškeahttá leat go váidimin
- dieđuid čuovvolanfálaldaga, heahteguovddážiid ja eará veahkkeásahusaid birra
Geahča filmma movt lea deaivvadit veahkaválddi gillájeddjiid vuostáiváldinbáikkiin:
Gean deaivvat don veahkaválddi vuostáiváldinbáikkis?
Sii geat barget veahkaválddi gillájeddjiid vuostáiváldinbáikkis, leat doaktárat, buohccidivššárat ja sosionomat. Bargiin lea jávohisvuođageasku, iige sis leat lohpi juogadit dieđuid du birra earáiguin, earret go dalle jus don mieđat dahje jus lea sáhka heakkas ja dearvvašvuođas.
Veahkaválddi gillájeddjiid vuostáiváldinbáiki fállá dulkka go lea dárbu.
Gos gávnnat veahkaválddi vuostáiváldinbáikkiid?
Veahkaválddi vuostáiváldinbáikkit leat čadnon doavtterfávttaide ja buohcceviesuide ja leat oassi almmolaš dearvvašvuođafálaldagas. Fástadoavttir, dearvvašvuođadivššár dahje earát sáhttet veahkehit du váldit oktavuođa. Fástadoavttir, dearvvašvuođadivššár dahje earát sáhttet veahkehit du váldit oktavuođa.
Dás gávnnat don bajilgova buot veahkaválddi gillájeddjiid vuostáiváldinbáikkiin Norggas (vállje ‘overgrepsmottak’ bajilčállága ‘Type tilbud’ vuolde)
A brochure with information about the assault centres
Doavtterfákta
Jus lea váttis beassat lagamus veahkaválddi gillájeddjiid vuostáiváldinbáikái (omd. dálkki dahje guhkes gaskkaid geažil), de sáhtát váldit oktavuođa doavtterfávttain. Doavtterfákta veahkeha du. Muhtun doavtterfávttat sáhttet maiddái dahkat riektemedisiinnalaš iskkadeami sihkkarastit duođaštusaid. Riŋge 116 117 oažžut eanet dieđuid lagamus doavtterfávtta birra.
Geahča bajilgova buot veahkaválddi gillájeddjiid vuostáiváldinbáikkiin
Din utvei redakšuvdna lea ovttasbargan Dearvvašvuođamuođadirektoráhtain čállit teavstta.