هەموو ئەو هاوکارییانەی کە لە ناوەندێکی هێرشی سێکسیدا هەن دڵخوازانەن و تۆ دەتوانی هەرکام لە خزمەتگوزارییەکان هەڵبژێری کە دەتهەوێ. تەنانەت دەتوانی یارمەتی وەربگری کاتێک کە هێرشە سێکسییەکە ماوەیەک لەوەپێشیش ڕووی دابێت و تۆ سەربەستی لەوەی لە کاتی هاتنت بۆ ناوەندی هێرشی سێکسیدا کەسێک لەگەڵ خۆت بهێنی یان نا.
خزمەتگوزارییەکان بریتین لە:
- ڕاوێژکاریی لە ژینگە پارێزراوەکاندا
- پشکنین و تاقیکردنەوەی پزیشکی بە مەبەستی دۆزینەوە، چارەسەری و پێشگرتن لە برینداربوون و هەوکردن
- تاقیکردنەوەی دووگیانی
- توێکاریی پزیشکی بەمەبەستی دڵنیایی لە بەڵگەکان
- یارمەتی لە پەیوەندیگرتن بە پزیشک
- تەنانەت کاتێکیش کە هێرشە سێکسییەکە ماوەیەک لەوە پێش ڕووی دابێت دەتوانی یارمەتی وەربگری.
- یارمەتیدان لە پەیوەندیگرتن بە ڕاوێژکاریی یاسایی (بێ بەرانبەر) بە بێ لەبەرچاوگرتنی ئەوەی کە ئاخۆ هێرشە سێکسییەکە بە پۆلیس ڕاگەیەندراوە یان نا
- زانیاریی لەبارەی خزمەتگوزارییەکانی بەدواداچوون، پەناگەکانی قەیران و شوێنەکانی دیکە بۆ وەدەستهێنانی یارمەتی
ئەوەیش فیلمێک لەبارەی سەردانیی ناوەندێکی هێرشی سێکسی:
ستافەکانی کارکردن لە ناوەندەکانی هێرشی سێکسی بریتین لە پزیشکێک، پەرستارەکان و یاریدەدەرە کۆمەڵایەتییەکان ستافەکە ئەرکی پاراستنی نهێنییان هەیە، ئەوەیش بەم مانایەیە کە ئەوان تەنیا دەتوانن بە ڕەزامەندیی تۆ یان لە کاتی هەبوونی مەترسیی زیاندیتنی خێرای کەسێکدا زانیارییە تاکەکەسییەکانت بۆ لایەنی سێهەم ئاشکرا بکەن. ئەگەر پێویست بێت ناوەندەکانی هێرشی سێکسی دەتوانن وەرگێڕێک دابین بکەن
ناوەندەکانی هێرشی سێکسی پەیوەندییان لەگەڵ بەشەکانی ڕووداو و فریاکەوتن یان نەخۆشخانەکان هەیە و بەشێکن لە خزمەتگوزاریی تەندروستیی گشتی. پزیشکە گشتییەکەت، سەردانکەرە تەندروستییەکەت یان کەسانی دیکە دەتوانن یارمەتیت بدەن پەیوەندی بکەی.
لێرەدا دەتوانی پوختەیەک لەو ناوەندانەی هێرشیئ سێکسیی وەدەست بهێنی کە لە نەرویجدا هەن (لەژێر سەردێڕی ‘Type tilbud’ بژاردەی ‘ overgrepsmottak’ هەڵبژێرە)
نامیلکەیەک کە زانیارییەکانی ناوەندەکانی هێرشی سێکسی تێدایە
بەشی ڕووداو و فریاکەوتن
ئەگەر دۆزینەوەی نزیکترین ناوەندی هێرشی سێکسی بۆت ئەستەمە (بۆ نموونە بەهۆی کەش و هەوای خراپ یان مەودای زۆر)، دەتوانی پەیوەندیی بە بەشی ڕووداو و فریاکەوتن بکەی. بەشی ڕوودا و و فریاکەوتن دەتوانێ یارمەتیت بدات. هەروەها هەندێک لە بەشەکانی ڕووداو و فریاکەوتن دەتوانن توێکاریی یاسایی بۆ دڵنیایی لە بەڵگەکان ئەنجام بدەن. بۆ زانیاریی لەبارەی نزیکترین ناوەندی ڕووداو و فریاکەوتن پەیوەندیی بە 116 117 بکە.