Fálaldagat leat:
- ságastallan oadjebas birrasis
- medisiinnalaš iskkadeapmi fuomášit, dikšut ja eastadit vahágiid ja njoammuma
- iskat leat go áhpeheapme
- riektemedisiinnalaš iskkadeapmi sihkkarastit duođaštusaid
- veahkki váldit oktavuođa politiijaiguin
- veahkki váldit oktavuođa veahkkeadvokáhtain (nuvttá), beroškeahttá váidimis
- dieđut čuovvolanfálaldagaid, kriisaguovddážiid ja eará veahkkeásahusaid birra
Don válljet ieš válddat go vuostá olles fálaldaga dahje dušše oasi, ja sáhtát váldit mielde muhtuma jus háliidat. Sáhttát oažžut veahki vaikko illásteapmi lea dáhpáhuvvan áigá.
Illástuvvomiid vuostáiváldima bargit leat doaktárat, buohccidivššárat ja sosionomat. Bargiin lea jávohisvuođageasku, ii ge sis leat danne lohpi earáide juohkit dieđuid du birra du lobi haga, dahje jus lea sáhka heakkas. Illástuvvomiid vuostáiváldimat fállet dulkka go lea dárbu dasa.
Illástuvvomiid vuostáiváldimat leat čadnon doavttirfávttaide dahje buohcciviesuide ja leat oassin almmolaš dearvvašvuođafálaldagas.
Bajilgovva riikkaid illástuvvomiid vuostáiváldimiin
Doavttirfákta
Jus lea váttis dutnje beassat lagamus Illástuvvomiid vuostáiváldimii (ovdamearkka dihtii dálkki dahje guhkes gaskkaid geažil), de sáhtát váldit oktavuođa doavttirfávttain. Doavttirfákta veahkeha du. Muhtun doavttirfávttat sáhttet maiddái čađahit riektemedisiinnalaš iskkadeapmi sihkkarastit duođaštusaid. Telefovnnas 116 117 oaččut dieđuid lagamus doavttirfávtta birra.
Aftenposten lea ráhkadan video Oslo illástuvvomiid vuostáiváldimis mii čájeha mo don gillájeaddjin dustejuvvot ja maid fálaldagaid sáhtát oažžut.