Buohkat geat leat badjel 62 jagi ja gillán illásteami, sáhttet riŋget Vern for eldre oažžut neavvagiid, bagadallama ja veahki. Maiddái oapmahaččat, gieldda bargit dahje earát geat vuorjašuvvet dahje dihtet illástemiid boarrásiid vuostá dáhpáhuvvat, sáhttet váldit oktavuođa. Fálaldat lea nuvttá.
Vern for eldre-bálvalusas leat fágaolbmot geat astet guldalit, ja geat dihtet ja áddejit maid illásteamit ja loavkašuhttimat boarrásiid vuostá mielddisbuktet.
Sáhtát leat anonyma, nappo it dárbbaš muitalit iežat nama go válddát oktavuođa guovddážiin. Bargiin lea jávohisvuođageasku, ii ge sis leat danne lohpi earáide juohkit dieđuid du birra du lobi haga, dahje jus lea sáhka heakkas.
Vern for eldre fállá dulkka go lea dárbu dasa.
Bálvalusa ruhtada Dearvvašvuođadirektoráhtta.
Vern for eldre neahttasiidduin leat diehtojuohkinmateriálat ja e-oahpahallanprográmmat.
Nationála gulahallantelefovdna 800 30 196