Dinutvei.no Logo Nasjonal veiviser
ved vold og overgrep

هێڵی یارمەتیی VO – 006 116

Logo VO-linjen

هێڵی یارمەتیی VO – هێڵی یارمەتیی نیشتمانیی نەرویج دژی توندوتیژیی خێزانی 006 116 (Vold- og overgrepslinjen) – بۆ هەموو ئەوانەی کە تووشی توندوتیژی یان بەدڕەفتاریی خێزانی دەبن کراوەیە.

ئەم خزمەتە هەموو وڵاتی نەرویج دەگرێتەوە، بەخۆڕاییە و لە 24 کاتژمێری 7 ڕۆژی هەفتە کراوەیە. تۆ دەتوانی پەیوەندی بەم ژمارەیەوە بکەیت و داوای یارمەتی و ئامۆژگاری بکەیت یان وەڵامی پرسیارەکانت وەربگریت، ئەگەریش تەنها پێویستت بە کەسێکە کە گوێت لێ بگرێت، دیسان دەتوانیت پەیوەندی بکەیت. هەروەها دەتوانیت یارمەتی وەربگریت بۆ دۆزینەوەی ئەو خزمەتانەی تر کە لە نزیکی شوێنی ژیانی تۆن.

کارمەندانی هێڵی یارمەتی هەموو ڕۆژێک بە شێوەیەکی شارەزایانە لەگەڵ کێشەکانی توندوتیژی و بەدڕەفتاری مامەڵە دەکەن و لە بواری دابینکردنی ئامۆژگاری و ڕێنمایی بۆ قوربانیانی توندوتیژی و بەدڕەفتاری دا بەئەزموونن. کارمەندەکان ئەرکی نهێنی‌پاراستن‌یان هەیە، ئەمەش یانێ تەنیا کاتێک دەتوانن زانیاریە شەخسیەکانت بدەن بە لایەنێکی سێیەم کە خۆت ڕەزامەندیت دابێت، یان مەترسیی لەدەستدانی گیان یان برینداربوونی جددیی کەسێک هەبێت.

«کارمەندانی هێڵی یارمەتی هەموو ڕۆژێک بە شێوەیەکی شارەزایانە لەگەڵ کێشەکانی توندوتیژی و بەدڕەفتاری مامەڵە دەکەن»

ئەگەر خۆت پێت باشتر بێت، دەتوانیت بێ ناو و نیشان پەیوەندی بە هێڵی یارمەتیەوە بکەیت، ئەمەش یانێ پێویست ناکات ناوی خۆت بڵێیت، یان ناوی کەسێکی تر ببەیت. کارمەندەکان بە زمانی نەرویجی قسە دەکەن. یارمەتی بە زمانی ئینگلیزیش دابین دەکرێت.

هێڵی یارمەتی هەروەها خزمەت دابین دەکات بۆ پسپۆڕانی کەرتی حکوومی، و ئەندامانی خێزان و هاوڕێیان و هاوکارانی قوربانیەکانیش.

هێڵی یارمەتیی نیشتمانی دژی توندوتیژیی خێزانی لەلایەن سکرتاریەتی بزوتنەوەی پەنادان و پەناگەی قەیرانی ئۆسلۆ بەڕێوە دەچێت، و وەزارەتی داد و ئاسایشی گشتی بوودجەی بۆ دابین دەکات.

هێڵی یارمەتی 116 006

ماڵپەڕی هێڵی یارمەتیی VO (هێڵی یارمەتیی نیشتمانی دژی توندوتیژیی خێزانی)

KORONAKRISEN – HJELP VED VOLD OG OVERGREP

Døgnåpne tjenester:

Er du voksen og trenger selv hjelp eller ønsker å hjelpe en annen voksen?

Er du bekymret for et barn eller trenger hjelp i omsorgen for barn?

På nettsidene våre finner du oversikt også over andre hjelpetilbud. Det varierer hva de ulike tjenestene kan tilby i øyeblikket. Vi anbefaler deg likevel å ta kontakt og sjekke ut hvilken hjelp du kan få. Spørsmål- og svartjenesten på dinutvei.no er også åpen.