Telefovdna lea riikaviidosaš, nuvttá ja lea rabas birra jándora. Sáhtát maiddái oažžut veahki, neavvagiid ja vástádusaid gažaldagaide, muhto sáhtát maiddái váldit oktavuođa jus don dušše dárbbašat soapmása gii guldala go don hálat. Sáhtát maiddái oažžut veahki gávdnat eará veahkkefálaldagaid du ássanbáikki lahkosis.
Hála dahje čálaš neahtas anonymalaččat
Jus háliidat, de sáhtát riŋget anonymalaččat, dat mearkkaša ahte don it dárbbaš muitalit iežat itge earáid namaid. VI-linnjás (VO-linjen) lea maiddái čálašanbálvalus neahtas. Don sáhtit čállit dasa áibbas anonyma ja jienaheamit. Čálašanbálvalusa neahtas gávnnat don dás.
Geaiguin beasat hupmat?
Sii geat vástidit telefovdnii, beaivválaččat barget veahkaváldeváttisvuođaiguin, ja leat hárjánan deaivat olbmuid geat gillájit veahkaválddi ja illasteami. Sis lea jávohisvuođageasku, ii ge sis leat lohpi juogadit dieđuid du birra earáiguin, earret go dalle jus don mieđat dahje jus lea sáhka heakkas ja dearvvašvuođas.
“Sii geat vástidit telefovnna ja čálašeami neahtas, beaivválaččat barget veahkaváldeváttisvuođaiguin”
Buohkat hállet dárogiela. Veahkki fállojuvvo maiddái eaŋgalasgillii.
Geahča filmma movt lea deaivvadit VI-linnjáin (VO-linjen):
Veahket earáid geat vásihit veahkaválddi dahje illasteami
Veahkkelinnjá lea maiddái dutnje gii barggat veahkkeapparáhtas, dahje gulat veahkaválddi gillájeaddji bearrášii dahje leat veahkaválddi gillájeaddji utsit dahje bargoustit.
VI-linnjá (VO-linjen) jođiha Hehteguovddáža čállingoddi ja Oslo heahteguovddáš, ja dan ruhtada Justiisa- ja gearggusvuođadepartemeanta.
Otktavuođadieđut
Telefovdna 116 006
Čálaš VO-linnjáin (VO-linjen) sin neahttasiiddus volinjen.no
Din utvei redakšuvdna lea ovttasbargan VI-linnjáin (VO-linjen) čállit teavstta.