Dinutvei.no Logo Nasjonal veiviser
ved vold og overgrep

بنەماکان – بەرنامەیەکی چارەسەری بۆ ئەو زیندانییانەی کە بە هۆی پێشێلکاریی سێکسی سزا دراون

بنەماکان پڕۆگرامێکی چارەسەریی خۆبەخشانەیە بۆ ئەو کەسانەی کە بە هۆی پێشێلکاریی سێکسی سزا دراون و پێویستییان بە چارەسەریی تایبەت هەیە.

بنەماکان بەرنامەیەکی نیشتمانییە، و چارەسەریی کاتێک دەست پێ دەکات کە تۆ هیشتا لە زیندانی. ئامانجی بەرنامەکە ئەوەیە کە پێش لەو کەسانە بگرێت کە تووشی پێشێلکاریی سێکسی بوون لە پێشێلکاریی دووبارە. کورتکراوەی بنەماکان (بە زمانی نەرویجی) لە چارەسەریی گرفتەکانی پەیوەست بە پێشێلکاریی سێکسی لە خزمەتگوزارییە تەندروستییە (دووهەمینییە) پسپۆڕییەکانەوە دێت.

چۆن دەتوانم داوای بەشداریی بەرنامەکە بکەم؟

ئەگەر تۆ بەشێک لە گروپی ئامانجی و چارەسەریت دەوێ، پزیشکێکی زیندانی یان دەروونناسێک فۆڕمێکی ناردن بۆ تیمی بنەماکان دەنێرێت پاش ئەوەی ئەو بابەتەت لە گەڵ باس دەکات. پاشان ئەندامێکی تیمی بنەماکان قسەت لەگەڵ دەکات و بڕیاڕێک لە بارەی ئەوەیدا ئاخۆ دەبێ چارەسەرییەکە پێشکەش بکرێت، دەدات. بە گشتی، ئەندامی تیمی بنەماکان ڕەنگە پێوەری گونجاوی زیاتری دیکە پێشنیار بکات ئەگەر ڕاستەوخۆ لە گورپی ئامانجی بنەماکاندا نەبی.

ئەگەر بڕیاڕت دا چارەسەرییەکە قەبوڵ بکەی، ڕەنگە بگوازرێیەوە بۆ زیندانێک کە بەرنامەی بنەماکانی تێدا پێشکەش دەکرێت. خزمەتگوزاریی چاکسازیی نەرویجی هەڵسەنگاندن دەکات بۆ ئەوەی بزانێت ئاخۆ گوازتنەوەی زیندان هەندێک مەرج و پێداویستیی فەرمی، بۆ نموونە مەرجی پەیوەندیدار بە سەلامەتی، تێدا هەیە.

لە 2020ڕا، بەرنامەی بنەماکان لە هەندێک لە زیندانە دەستنیشانکراوەکان لە سەراسەری وڵاتدا هەیە:

هەرێمی باکوور:

زیندانیی تڕۆمسۆ (Tromsø fengsel)
زیندانی تڕۆندهیم (Trondheim fengsel)، کە بەشە جیاوازەکانی لێیڕا (Leira) و کۆنگێسگەیت (Kongensgate) لەخۆ دەگرێت

هەرێمی ڕۆژهەڵات:

زیندانی هالدێن (Halden fengsel)
زیندانی ڕۆمێریکا (Romerike fengsel)، کە بەشە جیاوازەکانی ئولێرسمۆ (Ullersmo) و کرۆسکروود (Kroksrud) لەخۆ دەگرێت
یەکەی پێشێلکارە گەنجەکان لە ئێدیسڤۆل (Eidsvoll)
زیندانی ئیلا (Ila fengsel) و ناوەندی دەستبەسەرکردن
زیندانی بڕێدڤێیت (Bredtveit fengsel) و ناوەندی دەستبەسەرکردن

هەرێمی ڕۆژئاوا:

زیندانیی بێرگێن (Bergen fengsel)
زیندانی بژۆرگڤین (Bjørgvin fengsel)، لەوانیش یەکەی پێشێلکارە گەنجەکان، هەرێمی ڕۆژئاوا

هەرێمی باشووری ڕۆژئاوا:

زیندانی ئانا (Åna fengsel)
زیندانی ئاگدێر (Agder fengsel) (لە ساڵی 2021ڕا)

هەرێمی باشوور:

زیندانی نۆردرێ ڤێستفۆڵد (Nordre Vestfold fengsel)، بەشی هۆرتێن (Horten division)
زیندانی سۆندرێ وێستفۆڵد (Søndre Vestfold fengsel)، بەشەکانی بێرگ (Berg) و لارڤیک (Larvik)

لە گەڵ بەرنامەی بنەماکان، هەندێک لە زیندانەکان هەندێ جۆری دیکەی دابینکردنی بۆ تاوانکارەکانی پشێلکارییەکانی سێکسی هەیە. ئەم خزمەتگوزارییانە دەتواندرێ بە شێوەی گروپ یان تاکەکەسی پێشکەش بکرێن. مافی ئەوەت هەیە داواکاریی بەشداریی بۆ زیندانێک پێشکەش بکەی کە بەرنامەیەکی چارەسەریی هەبێ کە لەگەڵ پێداویستییەکانی تۆ بگونجێت.

ڕەوتی چارەسەری چۆن دەچێتە پێشێ؟

چارەسەرییەکە لە سەر بنەمای وتووێژێکی ڕێکوپێک لە گەڵ دەرووناسێکە لە زیندان لە ماوەی سزای زیندانیی تۆدا. پاش ڕزگاربوون، تۆ دەتوانی لە دەرەوەی زیندان درێژە بە وتووێژەکە بدەی. چارەسەرییەکە بە شێوەی تاکەکەسی دەبێت، نەوەک بە گروپ. ژمارەی دانیشتنەکانی چارەسەری و ئەوەی کە چەند ماوە جارێک پێویستیت بە چارەسەری دەبێ دەگەڕێتەوە سەر پێداویستییەکانت، و ئەمەیش بە هاوکاریی نزیک لە گەڵ دەروونناسەکەت هەڵدەسەنگێندرێت.

تۆ و دەروونناسەکەت بەیەکەوە بۆ دانانی پلانێکی چارەسەری کار دەکەن. چارەسەرییەکە لە سەر بنەمای ئەوەی بە مۆدێلی باشی ژیان ناسراوە، دامەزراوە. پرسە سەرەکییەکانی وتووێژەکە بریتین لە: ئامانجەکانی ژیانت چین؟ چۆن دەتوانی بە بێ ئەنجامدانی تاوان بە ئامانجەکانی ژیانت و ژیانێکی باش بگەی؟

لە کوێ دەتوانی زانیاریی زیاتر وەدەست بهێنی؟

بۆ وەدەستهێنانی زانیاریی زیاتر، تکایە پەیوەندیی بە فەرمانبەرێکی زیندان یان بەشی تەندروستیی زیندان بگرە.

هەروەها دەشتوانی پەیوەندی بگری بە یەکەی پسپۆڕیی سەرپێی (SPE) لە نەخۆشخانەی زانکۆی ئۆسڵۆ}<1 بۆ وەدەستهێنانی زانیاریی زیاتر لەبارەی بەرنامەی بنەماکان یان ئەو بەرنامانەی دیکەی چارەسەریی کە ئامانجیان گرفتەکانی پەیوەست بە پێشێلکاریی سێکسییە. SPE لە نەخۆشخانەی گاوستاد (Gaustad Sykehus) لە ئۆسڵۆ هەڵکەوتووە لەم بوارەدا شارەزاییەکی فراوانی هەیە.

 

زانیاری پەیوەندیگرتن

 ئیمەیل، یەکەی پسپۆڕیی سەرپێی (SPE) : post.spe@ous-hf.no

ماڵپەڕ: یەکەی پسپۆڕیی سەرپێی (SPE) لە نەخۆشخانەی زانکۆی ئۆسڵۆ}<1

KORONAKRISEN – HJELP VED VOLD OG OVERGREP

Døgnåpne tjenester:

Er du voksen og trenger selv hjelp eller ønsker å hjelpe en annen voksen?

Er du bekymret for et barn eller trenger hjelp i omsorgen for barn?

På nettsidene våre finner du oversikt også over andre hjelpetilbud. Det varierer hva de ulike tjenestene kan tilby i øyeblikket. Vi anbefaler deg likevel å ta kontakt og sjekke ut hvilken hjelp du kan få. Spørsmål- og svartjenesten på dinutvei.no er også åpen.