MiRA-guovddáš bargá dan ala ahte buoridit minoritehtanissoniid eallindili Norggas.
Maid fállá MiRA guovddáš?
Guovddáš vuosttalda buotlágan veahkaválddi dáid bokte:
- heahteveahki ja ráđđeaddin
- nuvttá ságastallan advokáhtain
- ságastallanjoavkkuiguin
- bargobajiiguin
- fáddáeahkediiguin
- kurssaiguin
Fáladat lea nuvttá.
Movt válddát oktavuođa
Don it dárbbaš čujuhusa, ja don sáhtát ieš riŋget dahje čállit e-poastta dahje sáhtát galledit guovddáža. MiRA-guovddážis lea maiddái sierra iežas neahttasiidduin. Beroškeahttá movt válddát oktavuođa sáhtát leat anonyma, mii mearkkaša ahte it dárbbaš muitalit iežat nama.
Geaid don deaivvat?
MiRA-guovddážis deaivvat don sihke fásta bargiid ja eaktodáhtolaččaid. Bargiin leat oahppan sosionomat ja servodatdiehttit main lea buorre fágamáhttu migrašuvnna, sohkabeali ja eará birra,
Bargiin lea jávohisvuođageasku ii ge sis leat danne lohpi earáiguin juogadit dieđuid du birra earret go dalle jus don mieđat dahje jus lea sáhka dearvvašvuođas ja heakkas. Earáin, geat geavahit guovddáža, ii ge leat lohpi muitalit earáide dan maid besset diehtit du birra. MiRA-guovddáš ii fála dulkka, muhto bargit máhttet iešguđetge gielaid.
MiRA-guovddáža birra
MiRA Resursaguovddáš minoritehta- ja báhtareaddjenissoniidda lea ii-stáhtalaš organisašuvdna, bellodatpolitihkalaš sorjjasmeahttun, iige dat leat čadnon makkárge oskujovkui. MiRA-guovddáš oažžu ruđa stáhtas ja gielddas. Dasa lassin bargá guovddáš olu prošeavttaiguin maid iešguđet doarjjaaddit leat ruhtadan.
The MiRA guovddáža gávnnat dáppe: Storgata 53, Oslo.
Oktavuođadieđut
MiRA-guovddáš lea Storgata 53 A:s Oslos.
E-poasta: post@mirasenteret.no dahje krisehjelp@mirasenteret.no