Mii lea Rukses Ruossa-telefovdna bággonáitaleami ja vuolledábiid vahágahttima eastadeami várás?

Vásihat go ahte muhtun bearrašis viggá mearridit geainna don galggat náitalit? Balat go gillát vuolledábiid vahágahttima? Rukses Ruossa-telefovdna bággonáitaleami ja vuolledábiid vahágahttima eastadeami várás neavvu du maid galggat bargat diekkár dilálašvuođain.

Movt sáhttá Rukses Ruossa-telefovdna veahkehit?

Ruskes Ruossa-telefovdna neavvu iešguđetlágan gudnái guoski veahkaválddi birra nugo:

bákkolašvuohta náitaleami oktavuođas
garra stivren iežat lagamusain (negatiiva sosiála kontrolla)
ballu guđđojuvvot olgoriikii iežat dáhtu vuostá
vuolledábiid vahágahttin mii lea juo dáhpáhuvvan, dahje ballu gillát vuolledábiid vahágahttima
bearašriiddut

Rukses Ruossa-telefovdna fállá maiddái dieđuid ja bagadallama:

dutnje gii háliidat veahkehit ustibiid ja oahppásiid
váhnemiidda geaid mielas lea hástaleaddji bajásgeassit mánáid ođđa kultuvrras
veahkkeapparáhta bargiide, dahje earáide geat iežaset barggus deaivvadit olbmuiguin geat leat gillán gudnái guoski veahkaválddi

Rukses Ruossa-telefovnna bargiin sáhttet maiddái veahkehit du váldit oktavuođa eará osiiguin veahkkeapparáhtas.

Geahča video Rukses-ruossa telefovnna birra:

Riŋge anonymalaččat

Sáhtát leat anonyma jus dan háliidat, mii mearkkaša ahte it dárbbaš muitalit namat. Rukses Ruossa-telefovnna bargiin lea jávohisvuođageasku, mii mearkkaša ahte eai sáhte earáiguin juogadit dieđuid du birra earret go jus don mieđat dasa.

Sáhtát maiddái sáddet e-poastta deike info.tvangsekteskap@redcross.no, dahje váldit oktavuođa Facebookas.