Fálaldaga birra
Seksuála veahkaválddi gillájeddjiid veahkketelefovdna lea riikaviidosaš, nuvttá ja lea rabas birra jándora. Oapmahaččat ja veahkkeapparáhta sáhttet maiddái váldit oktavuođa veahkketelefovnnain oažžut rávvagiid ja bagadallama.
Sáhtát maiddái oažžut veahki, neavvagiid ja vástádusaid gažaldagaide, dahje sáhtát dušše riŋget jus don dušše dárbbašat soapmásiin hállat. Sáhtát maiddái oažžut veahki gávdnat eará veahkkefálaldagaid du ássanbáikki lahkosis.
“Telefovnna vástideaddjit barget Vestfolda Inseastaguovddážis”
Geainna beasat hupmat?
Sii geat vástidit telefovnna, barget Vestfolda Inseastaguovddážis, ja sii leat hárjánan dustet olbmuid geat gillájit dahje leat gillán seksuála veahkaválddi.
Jus háliidat, de sáhtát riŋget anonymalaččat, dat mearkkaša ahte don it dárbbaš muitalit iežat it ge earáid namaid. Bargit hállet dárogiela. Veahkki sáhttá maiddái fállojuvvot eaŋgalasgillii.
Jávohisvuođageasku
Bargiin lea jávohisvuođageasku, ii ge sis leat lohpi juogadit dieđuid du birra earáiguin, earret go dalle jus mieđat dasa dahje jus lea sáhka heakkas ja dearvvašvuođas.
Veahkketelefovnna doaimmaha Vestfolda Inseastaguovddáš Mánáid-, nuoraid- ja bearašdirektoráhta bealis.
Telefovdna 800 57 000