ئاخۆ لەبارودۆخێکی ئەستەمی ژیان دای؟ کەواتە دەتوانی پەیوەندی تەلەفۆنیی بێ بەرانبەر بە ژمارەی 116 123 بگری.
هێڵی یارمەتی (hjelpetelefonen) چییە؟

ئاخۆ لەبارودۆخێکی ئەستەمی ژیان دای؟ کەواتە دەتوانی پەیوەندی تەلەفۆنیی بێ بەرانبەر بە ژمارەی 116 123 بگری.
لەگەڵ هاوژینێکی توندوتیژ تووشی کێشە بووی، ئازار دراوی، یان لە ماڵەوە تووشی هەر جۆرێکی توندوتیژی بووی؟ دەتهەوێ لەگەڵ هەندێک لەم ڕووداوانەی ماوەیەک لەمەوە پێش ڕوویان داوە بسازێی؟ یان لەوە دەترسی بەزۆری هاوسەرگیریت پێ بکەن؟ ڕەنگە خزمی کەسێک بی کە تووشی توندوتیژی یان ئازار بووە؟
ئایا منداڵێکی و لە ماڵەوە تووشی گرفت بوویت، یان کەسێکی گەورەیت و هەندێک نیگەرانیت لە دۆخی منداڵ یان هەرزەکارێک هەیە؟ خزمەتگوزاریی خۆشگوزەرانیی منداڵ یارمەتی و پشتیوانی پێشەکەشی منداڵان، هەرزەکاران و خێزانەکان دەکات کاتێک لە ماڵەوە تووشی گرفت دەبن، کاتێک منداڵێک ئەو چاودێرییە وەرناگرێت کە پێویستیەتی یان بۆ شتی دیکە پێویستی بە یارمەتییە.
لە ناوەندی Nok. و ناوەندەکانی قوربانییەکانی زینا و ئازاری سێسکی (SMISO)، ئەو کەسانەی کە تووشی ئازاری سێکسی بوون دەتوانن پشتیوانی بۆ تێپەڕاندنی ئەزموونەکەیان وەربگرن. ئەم ناوەندانە بە شێوەی سەرەکی خزمەتگوزاریی خودیارمەتی بۆ ئەو گەورەساڵانەن کە توشی زینا، ئازاری سێکسی یان دەستدرێژی بوون و بۆ هەروەها بۆ خزمەکانیانە.
ئایا تۆ قوربانیی توندوتیژی یان بەدڕەفتاریت؟ هێڵی یارمەتی پەیوەندیەکانی ئەو پیاوانەی کە تووشی توندوتیژی بوونە وەردەگرێت.
تا ئێستا قوربانیی دەستدرێژیی سێکسیی یان جۆرەکانی دیکەی پەلاماری سێکسی بوویت؟ دەتوانیت لە ناوەندێکی بەرەنگاربوونەوەی پەلاماری سێکسی کەسێک بدۆزیتەوە قسەی لەگەڵ بکەیت و یارمەتیی پزیشکی وەربگریت. پێویست ناکات لەلایەن پزیشکێک یان هەر کەسێکی ترەوە ڕەوانە بکرێیت. یارمەتیت دەدەن بەبێ گوێدانە ئەوەی ئایا دەتەوێت پۆلیس لە پەلامارەکە ئاگادار بکەیتەوە یان نا. خزمەتگوزارییەکان بێبەرانبەرن و ناوەندەکان 24 کاتژمێر کراوەن
توشی توندوتیژیی دەروونی، دەستدرێژی سێکسی یان جۆرەکانی دیکەی پەلاماری سێکسی بوویتەوە و پێویستت بە یارمەتی بوبێت بۆ زاڵبوون بەسەر ئەو ئەزموونەدا؟ هەموو شارەوانییەکان ئەو خزمەتگوزارییانەیان هەیە کە چاودێریی تەندروستیی دەروونی پێشکەش دەکەن
ئاخۆ کەوتوونەتە بەر دەسدرێژیی یان لە ماڵدا توندوتیژیتان لەگەڵ کراوە؟ چارەسەرگەی منداڵ و خزمەتگوزاریی تەندروستی خوێندنگە خزمەتکارییەکی دڵخوازانە و خۆڕایی بۆ منداڵان و تازەلاوانی 0 بۆ 20 ساڵ و هەروەها دایکوباوک و باوکان/دایکانی داهاتوویە.