Dinutvei.no Logo Nasjonal veiviser
ved vold og overgrep

Mii lea Resursaustit?

Galggat go fargga fárret kriisaguovddážis? Leat go don okto ja fierpmádaga haga maŋŋá go leat guođđán veahkaválddálaš guoimmi? Resursaveahkki sáhttá doarjut du hearkkes áigodagas go galggat ođđasit dáluiduvvat.

Olusat dađibahábut fárrejit ruovttoluotta veahkaválddálašvuhtii go eai leat eará molssaeavttut.

Resursaustit lea fálaldat dutnje go don guoimmi guođđima maŋŋá galggat fárret kriisaguovddážis. Jus it leat orron kriisaguovddážis, muhto háliidat resursaustiba, de ferte kriisaguovddáš vuos sihkkarvuođaárvvoštallat du dili.

Resursaustit galgá leat doarjja ja lagamuš váttes áiggis. Don galggat dovdat du ja resursaolbmo gaskavuođa ovttaárvosažžan. Fálaldaga ulbmil lea ahte ii oktage galgga fárret ruovttoluotta veahkaválddálaš guoimmi lusa. Sáhtát oažžut resursaustiba gitta jahkái, muhto eaktuduvvo ahte it fárre ruovttoluotta dan olbmo lusa gos gillájit veahkaválddi. Resursaustibiin sáhtát deaivvadit guovtte gitta njealji geardde mánnui.

Resursaustibat leat nissonolbmot geat barget eaktodáhtolaččat, ja geat leat oahpahuvvon fáttáin nugo traumat, veahkaváldi lagaš oktavuođain, jávohisvuođageasku ja rájáid bidjan. Resursaustibat hállet dárogiela, ja muhtumat leat maiddái eaŋgalsgielagat. Muhtumin sáhttá maiddái fállat veahki eará gielaide.

Norske Kvinners Sanitetsforening báikkálaš searvvit dat koordinerejit ortnega miehtá riikka, ja sis lea lagaš ovttasbargu báikkálaš kriisaguovddážiiguin ja guovddáš Norske Kvinners Sanitetsforeningain (N.K.S.). Jus háliidivččet resursaustiba, de bivdde kriisaguovddáža váldit oktavuođa lagamus N.K.S. báikkálaš servviin.

 

Bajilgovva kriisaguovddážiin leat dáppe ja bajilgovva N.K.S. báikkálaš servviin dáppe.

Sáhtát maiddái lohkat eanet resursaustiba birra ja gos riikkas fálaldat gávdno N.K.S. neahttasiidduin.

KORONAKRISEN – HJELP VED VOLD OG OVERGREP

Døgnåpne tjenester:

Er du voksen og trenger selv hjelp eller ønsker å hjelpe en annen voksen?

Er du bekymret for et barn eller trenger hjelp i omsorgen for barn?

På nettsidene våre finner du oversikt også over andre hjelpetilbud. Det varierer hva de ulike tjenestene kan tilby i øyeblikket. Vi anbefaler deg likevel å ta kontakt og sjekke ut hvilken hjelp du kan få. Spørsmål- og svartjenesten på dinutvei.no er også åpen.