Bálvalus lea oassin Finnmárkku buohcciviesu psyhkalaš dearvvašvuođasuodjalusa spesialistadearvvašvuođabálvalusas.
Oažžun dihtii veahki hálddašit iežat suhtu ja veahkaválddálašvuođa, de sáhttá leat dutnje ávkkálaš hállat terapevttain. Muhtumat dárbbašit lassin sisačálihuvvot psykiátralaš buohccivissui muhtun áigodahkii. Fástadoavttir dahje psykologa sáhttá ovttas duinna árvvoštallat dárbbašat go dakkár veahki ja lágidit du viidáseappot jus dasa lea dárbu. Bivdde su gii sádde du, čielgasit cealkit ahte don dárbbašat terapevta mas lea gealbu suhtu, veahkaválddi ja illásteami birra.
SÁNAG lea gealboguovddáš mii galgá veahkehit sámi álbmoga oažžut ovttaárvosaš psyhkalaš dearvvašvuođa- ja gárrenmirkodikšunfálaldaga
Oažžun dihtii divššu SÁNAGIS dahje psykologa dahje psykiáhtera luhtte geas lea doaibmadoarjja (šiehtadusspesialisttat), de dárbbašat sáddejumi. Gávdnojit maiddái olu priváhtapsykologat ja -psykiáhterat doaibmadoarjaga haga. Dalle dábálaččat it dárbbaš sáddejumi, muhto fálaldat lea dávjá divrasat go dikšu SÁNAGIS dahje psykologa/psykiáhtera luhtte geas lea doaibmadoarjja.
Bargiin lea jávohisvuođageasku, ii ge sis leat danne lohpi earáide juohkit dieđuid du birra du lobi haga, dahje jus lea sáhka heakkas. Fállojuvvo dulka go lea dárbu dasa.
Vuordináigi oažžut divššu rievddada iešguđet sajiin riikkas. Jus ii leat doarvái buorre fálaldat dutnje doppe gos ásat, de sáhttet dutnje fállat divššu eará dikšunbáikkis.