Dinutvei.no Logo Nasjonal veiviser
ved vold og overgrep

Mii lea heahteguovddáš

Søk hjelp på krisesenter hvis du opplever vold og overgrep i hjemmet.

Heahteguovddáš lea fálaldat dutnje gii leat gillán veahkaválddi dahje illasteami guoimmis, bearrašis dahje eará lagašolbmos. Guovddážat fállet suodjaleami, neavvagiid ja bagadallama nissonolbmuide, almmáiolbmuide ja mánáide.

Don it dárbbaš leat fáhkka heahtedilis oažžut veahki heahteguovddážis, ja sáhtát sáhtát galledit guovddážiid njuolga, don it dárbbaš diibmošiehtadusa itge čujuhusa.  Buot gielddain galgá leat heahteguovddášfálaldat lága mielde. Dávjá ovttasbarget máŋga gieldda addit heahteguovddášfálaldaga. Eanas heahteguovddážat leat heivehuvvon geavaheddjiide geain leat hedjonan lihkadannávccat, ja gielddat galget gávdnat molssaevttolaš čovdosiid jus fálaldat ii leat heivehuvvon.  Fálaldat lea nuvttá

Heahteguovddážat fállet

  • oadjebas báikki ássat oanehis áigái
  • ságastallamiid
  • veahki váldit oktavuođa veahkkeapparáhtain
  • dieđuid vuoigatvuođaid ja vejolašvuođaid birra
  • bagadallama (oktan juridihkalaš bagadallamiin)
  • ságastallanjoavkkuid- ja aktivitehtafálaldagaid
  • čuovvoleami

Don sáhtát oažžut veahki heahteguovddážis vaikko it oro doppe.

Don sáhtát leat namaheapme go válddát oktavuođa guovddážiin. Dát mearkkaša ahte it dárbbaš muitalit gii don leat.

Fágaolbmot ja veahkaválddi gillájeddjiid oapmahaččat leat maiddái bures boahtin váldit oktavuođa.

Heahteguovddážat leat maiddái fálaldat sidjiide geat eai dárbbaš orrut doppe

 Geahča filmma dan birra movt lea gallededit heahteguovddáža:

 

Geaid deaivvat heahteguovddážis?

Heahteguovddáža bargiin lea relevánta oahppu ja/dahje hárjáneapmi bargat veahkaválddiin ja illastemiin Bargiin lea jávohisvuođageasku, iige sis leat danne lohpi earáiguin juogadit dieđuid du birra earret go dalle go jus mieđat dahje jus lea sáhka heakkas ja dearvvašvuođas. Ávžžuhit maiddái earáid geat geavahit guovddáža ahte eai galgga muitalit viidáseappot maid dihtet du birra.

Heahteguovddážat fállet dulkka go lea dárbu.

Thereses hus – heahteguovddáš gárihuhttinmirkkuid geavaheaddji nissoniidda Oslos

Thereses hus lea heahteguovddášfálaldat dutnje gii leat nissonolmmoš ja vásihan veahkaválddi ja geas leat  váttisvuođat gárrenvuođadiliin. Guovddáš fállá maiddái fáhkka orruma nissoniidda geain leat váttisvuođat gárrenvuođadiliin ja geain ii leat ássansadji. Ássanfálaldat lea suddjejuvvon, fálaldagas leat birrajándora bargit, gohcci idjafákta ja lea nuvttá.  Ássanáigi heivehuvvo individuálalaččat. Ii gáibiduvvo leat čielggusin ásahusas.

Bargiin lea dearvvašvuođa ja sosiálafágalaš oahppu, ja earenomáš gelbbolašvuohta veahkaválddi birra.

Thereses hus fállá maiddái rávvema ja bagadallama dutnje gii leat gillán veahkaválddi, muhto it oro guovddážis.

Jus leat gillán veahkaválddi ja lea dárbu fáhkka suodjalussii, de sáhtát don boahtit njuolga Tereses husii.  Jus eahpidat, de sáhtát váldit telefovdnaoktavuođa.

Oktavuođadieđut:

Telefovdnanummar +47 23 42 76 30
Adreassa: Thereses gate 49, 0354 Oslo
E-poasta: gun.hansen@vel.oslo.kommune.no
Loga eambbo Thereses hus birra dás.

Sørlandet Krisesenter (Mátta-Norgga heahteguovddáš), nissonat aktiivvalaš gárrenvuođadilis

Sørlandet Krisesenteris (Mátta-Norgga heahteguovddáš) leat guokte saji veahkaválddi gillájeaddji nissoniidda geat leat aktiivvalaš gárrenvuođadilis.  Orruma guhkkodat árvvoštallojuvvo individuálalaččat.  Ássanfálaldat lea nuvttá ja doppe leat bargi birra jándora.

Oktavuođadieđut:

Telefovdna +47 38 10 22 00
E-poasta: post@krisesenteret.net
Loga eambbo fálaldaga birra dás.

Heahteguovddážiid čállingoddi

Heahteguovddážiid čállingoddi lea heahteguovddážiid miellahttoorganisašuvdna.  Čállingottis lea maiddái ovddasvástádus ROSA-doaimmas, mii bargá olmmošgávppašeami gillájeddjiiguin geat leat ávkkástallojuvvon prostitušuvnnas. Don sáhtát lohkat eanet Heahteguovddáščállingotti barggu birra sin neahttasiidduin.

 

Listu mas leat buot heahteguovddážat Norggas (vállje ‘krisesenter’ ‘Type tilbud’ vuolde)

Heahteguovddáža čállingotti neahttasiidu