Forlat siden Nasjonal veiviser
ved vold og overgrep

Maid politiijat sáhttet dahkat?

Leat go gillán veahkaválddi dahje illásteami, juogo gieskat dahje áigá? Politiijat sáhttet neavvut ja bagadallat, váldit vuostá váidima ja árvvoštallat suodjalandárbbu.

Sihke veahkaváldi lagaš oktavuođain ja seksuálalaš illásteamit leat ráŋggáštusvuloš dagut maid politiijat leat geatnegahtton dutkat. Ášši váidin sáhttá leat dehálaš lávki beassat eret veahkaválddálaš oktavuođas.

 

Politiijat fertejit diehtit ahte juoga ráŋggáštusvuloš lea dáhpáhuvvan vai sáhttet dutkagoahtit ášši. Sáhttá leat nu ahte don ieš gillájeaddjin váiddát ášši, dahje ahte muhtun – du ovddas – muitala ášši birra politiijaide. Jus ráŋggáštusvuloš dahku dáhpáhuvai áigá – ja ášši dáidá leat boarásmuvvan dahje vearredahkki lea jápmán – de sáhtát ain váidit ášši.

     > muitinlistu go áiggut váidit

Go politiijain leat dieđut duođalaš áššiid birra, de sáhttet dihto áššiid dutkagoahtit ieža ja čuoččáldahttit ráŋggáštusášši vaikko gillájeaddji ii leat váidán ášši. Dát gohčoduvvo almmolaš áššečuoččáldahttin.

«It dárbbaš leat mearridan váidit ovdalgo válddát oktavuođa politiijaiguin»

Politiijat sáhttet maiddái leat buorre ságastallanguoibmi ja neavvut ja bagadallat. It dárbbaš leat mearridan váidit ovdalgo válddát oktavuođa politiijaiguin, it ge dárbbaš almmuhit gii don leat, it ge nama involverejuvvon olbmuin. Politiijat fállet dulkka go lea dárbu dasa.

Jus dovddat áitojuvvon, de politiijat árvvoštallat čovdosiid ovttas duinna ja álggahit vejolaš suodjalandoaimmaid.

     > suodjalandoaimmat veahkaválde- ja áittagillájeddjiide


Jus leat akuhtta váralašvuođa siste, de riŋget politiijaide 112

Iežat báikkálaš politiija telefovdna: 02800

Politiijaid neahttabáiki