Forlat siden Nasjonal veiviser
ved vold og overgrep

Gillán veahkaválddi dahje illásteami – sáhtát hállat fástadoaktáriin

Leat go dus váttisvuođat veahkaválddálaš guimmiin, gillát go illásteami vai vásihat go veahkaválddi ruovttus? Ražat go ovddeš vásáhusaiguin? Balat go bággonáittáhallamis? Dalle sáhtát hállat iežat fástadoaktáriin.

Fástadoaktára bargu lea veahkehit pasieanttaid geain leat rumašlaš dahje fysalaš dávddat, psyhkalaš dearvvašvuođain ja gárrenmirkodivššuin. Dat mearkkaša ahte fástadoaktáris lea ovddasvástádus ollislašvuođas go du guorahallet, dikšot ja čuovvolit. Fástadoaktáris lea dávjá buorre bajilgovva ovttaskas olbmo dearvvašvuođas ja eallindilis, son sáhttá leat buorre ságastallanguoibmi ja lea hárjánan deaivvadit olbmuiguin geain lea lossa dilli.

Fástadoavttir sáhttá leat buorre ságastallanguoibmi ja lea hárjánan deaivvadit olbmuiguin geain lea lossa dilli

Fástadoaktáris lea jávohisvuođageasku, ii ge sus leat lohpi earáide juohkit dieđuid du birra du lobi haga, dahje jus lea sáhka heakkas. Fástadoavttir fállá dulkka go lea dárbu dasa.

Fástadoavttir sáhttá maiddái sáddet du spesialistadearvvašvuođaguovddážii jus lea dárbu dasa, dahje muitalit dutnje eará báikkiid birra gos sáhtát oažžut veahki, ja mat eai gáibit sáddejumi doaktáris – nugo kriisaguovddáš, bearašsuodjalus dahje eará. Dasto lea fástadoaktáris ovddasvástádus koordineret, guorahallat ja čuovvolit du maiddái dalle go oaččut veahki spesialistadearvvašvuođaguovddážis dahje earáin.

Fástadoavttirortnet lea oassi almmolaš dearvvašvuođafálaldagas, ja don mávssát dábálaš iežasoasi.


Helsenorge.no:s leat dieđut fástadoaktáriid ja fástadoaktára lonuheami birra (Dušše dárogiella)