Forlat siden Nasjonal veiviser
ved vold og overgrep

Mii lea kriisaguovddáš?

Kriisaguovddáš lea fálaldat dutnje gii leat gillán guoimmi, bearraša dahje eará lagašolbmo veahkaválddi dahje illásteami. It dárbbaš leat akuhtta heađis oažžut veahki kriisaguovddážis. Guovddážat fállet suodjaleami, sihkkarvuođa, neavvagiid ja bagadallamiidda nissonolbmuide, almmáiolbmuide ja mánáide.

Kriisaguovddážat fállet oadjebas orrunbáikki ráddjejuvvon áigodahkii, muhto dain leat maiddái fálaldagat sidjiide geat eai dárbbaš orrut doppe. Lea nuvttá oažžut veahki ja orrut kriisaguovddážis. Sáhtát galledit guovddáža, it dárbbaš tiibmašiehtadusa it ge sáddejumi.

Buot kriisaguovddážiid lea oadjebas geavahit. Dat leat ásahan doaibmabijuid hehttet covid-19 leavvamis.

Fálaldagat leat:

  • Ságastallamat
  • Veahkki váldit oktavuođa veahkkeapparáhtain
  • Dieđut vuoigatvuođaid ja vejolašvuođaid birra
  • Bagadallan (oktan juridihkalaš bagadallamiin)
  • Ságastallanjoavkkut- ja doaibmafálaldagat
  • Čuovvoleapmi

Sáhtát maiddái riŋget kriisaguovddážii oažžut neavvagiid. Sáhtát leat anonyma, nappo it dárbbaš muitalit iežat nama go válddát oktavuođa guovddážiin. Dasa lassin sáhttet sihke veahkaválddi gillájeaddji oapmahaččat, almmolaš veahkkeapparáhta, skuvllat jna. váldit oktavuođa oažžut dieđuid veahkkefálaldaga birra dahje oažžut vástádusaid gažaldagaide.

Kriisaguovddážiin lea maiddái fálaldat sidjiide geat eai dárbbaš orrut doppe

 

Kriisaguovddáža bargiin lea relevánta oahppu ja/dahje hárjáneapmi bargat veahkaválddiin ja illástemiin. Bargiin lea jávohisvuođageasku, ii ge sis leat danne lohpi earáide juohkit dieđuid du birra du lobi haga, dahje jus lea sáhka heakkas. Earáin, geat geavahit guovddáža, ii ge leat lohpi muitalit earáide dan maid besset diehtit du birra. Kriisaguovddážat fállet dulkka go lea dárbu dasa.

Buot gielddat leat geatnegahtton fállat kriisaguovddášfálaldaga. Dávjá ovttasbarget máŋga gieldda kriisaguovddáža ektui. Eanaš kriisaguovddážat leat heivehuvvon geavaheddjiide geain leat hedjonan lihkadannávccat, ja gielddat galget gávdnat molssaevttolaš čovdosiid jus fálaldat ii leat heivehuvvon.

Kriisaguovddáščállingoddi lea kriisaguovddážiid miellahttoorganisašuvdna, ja das lea maiddái ovddasvástádusa ROSA-doaimmas, mii bargá olmmošgávppašeami gillájeddjiiguin geat leat ávkkástallojuvvon prostitušuvnnas. Sáhtát lohkat eanet Kriisaguovddáščállingotti barggu birra sin neahttasiidduin.


Bajilgovva riikka buot kriisaguovddážiin

Kriisaguovddáščállingotti neahttasiiddut (Dušše dárogiella)

KORONAKRISEN – HJELP VED VOLD OG OVERGREP

Døgnåpne tjenester:

Er du voksen og trenger selv hjelp eller ønsker å hjelpe en annen voksen?

Er du bekymret for et barn eller trenger hjelp i omsorgen for barn?

På nettsidene våre finner du oversikt også over andre hjelpetilbud. Det varierer hva de ulike tjenestene kan tilby i øyeblikket. Vi anbefaler deg likevel å ta kontakt og sjekke ut hvilken hjelp du kan få. Spørsmål- og svartjenesten på dinutvei.no er også åpen.